LAPU-LAPU CITY, CEBU- Gipangandaman na sa Lapu-Lapu City Police Office (LCPO) ang pagpakatap sa ilang mga personahe nunot sa umaabot nga kapistahan sa patron sa dakbayan nga si Nuestra Señora Virgen dela Regla (Our Lady of Rule).
Matod pa sa eksklusibong pakighinabi sa Bombo Newsteam kang Police Lieutenant Col. Christian Torres, ang tigpamaba sa LCPO diin niadto pang Nobyembre 5 kay mipadeploy na ilang buhatan og mga kapulisan sa kadalanan ilabi na sa mga nightly activities nga gi-organisar sa kagamhanang dakbayan.
Dugang pa sa opisyal nga gawas sa ihap sa mga sakop kapulisan, aduna pud kiniy mga force multiplers ang gipasaligan sa seguridad ug kalinaw ilabi na sa mga estratihikong mga lugar sama sa simbahan sa Birhen sa Regla, City Auditorium, ug sa Hoopsdome.
Ingon man nga tanan aktibidad sa dakbayan kay sigurado nang adunay presensya sa kapulisan sa dakabayan sa Lapu-Lapu hangtod sa Nobyembre 22.
