Gipahibalo ni House Quad Comm leader ug Surigao del Norte Rep. Robert Ace Barbers nga wa silay ideya kon nibiya na sa nasod si kanhi PCSO General Manager Royina Garma.

Base sa taho, mibiya si Garma sa nasod uban sa iyang anak niadtong Nobyembre 7, 2024 paingon sa Amerika.

Gikompirmar ni Barbers nga si Garma ug kanhi Napolcom chief Edilberto Leonardo nakagawas na sa detention facility sa House of Representatives, niadtong Okt. 31, 2024.

Kahinumduman nga natanggong sa Kamara si Garma human gi-contempt tungod sa giingong pagpamakak.

Apan matod ni Barbers, ilang gitambagan ang mga resource persons, sama ni Garma, nga kon gikinahanglan sila sa Quad Comm, ila na usab silang atubangon.

Kahinumduman nga gibutyag ni Garma ang giingong reward system sa gubat batok sa drugas sa niaging Duterte administration.