UTTARAKHAND’S DEHRADUN, INDIA-Patay ang 6 ka managhigala human nabangga ang ilang gisakyan nga awto sa usa ka truck sa estado sa India sa Uttarakhand’s Dehradun.
Human sa panagbangga, duha ka mga pasahero ang gikatahong naputlan og ulo samtang laing lawas sa usa ka tawo ang nakita nga naglikos sulod sa nadugmok nga sakyanan.
Dugang pa, nakita usab ang ubay-ubay nga mga bahin sa lawas sa mga biktima nga nagkatag sa karsada.
Human sa karambola, ang drayber sa trak nga nalambigit sa disgrasya daling misibat palayo sa lugar ug gibiyaan ang sakyanan.
Giila ang mga biktima nga sila si Kunal Kukreja (23), Atul Agrawal (24), Rishabh Jain (24), Navya Goel (23), Kamakshi (20), ug Guneet (19).
Ang grupo sa pito ka mga higala niuli gikan sa usa ka party ug nahubog sa ilimbong makahubog.
Hinuon, wala pa gikompirmar sa kapulisan kung hubog ba kini.
Ang ikapito nga si Siddhesh Agrawal, nga gikataho nga host sa party sa Dehradun ug mao ra ang naluwas apan grabe ang naangkon nga samad.
Dugang pa sa kapulisan nga wala pa matino kung diin gikan ang grupo, ug kasamtangang padayon pa ang gihimo nga imbistiagsyon.
