CENTRAL VISAYAS- Nakig-alayon ang Bureau of Fisheries and Natural Aquatic Resources 7 sa mga law enforcement agencies aron sa pag-abag sa pagbantay sa kadagatan tungod sa mga illegal fishing nga dili na gayud nga malikayan.
Hinungdan nga nipahimangno kini sa mga mananagat sa saktong buhaton nga subay sa mga gipatuman nga balaod sa kadagatan hilabi na ang illegal fishing.
Sa pikas bahin, atol sa pakighinabi sa Bombo Radyo Cebu kang Johann Tejada ang tigpamaba sa BFAR 7 diin mipasabot kini kalabot sa mga talagsaong panghitabo sama sa pagdagsa sa mga isda ning buwan sa Nobyembre partikular na sa Moalboal, Dumanjug, ug uban pang bahin sa baybayon sa syudad.
Matud ni Tejada nga dili kini angayang kabalak-an sa katawhan ang maong pagdagsa gumikan resulta lang kini sa pagbag-o sa temperature sa kalibutan o natural phenomenon ug walay posibling umaabot nga mga katalagman.
Inay, angayan kini nga ikalipay sa mga residente nga anaa duol sa mga baybayon.
Ingon man nga posible usab nga adunay dagkong mga isda nga nanghadlok sa mga gagmayng isda sa ilawom sa kadagatan, apan giklaro niini nga normal lang kini nga panghitabo.(With Reports of Bombo Rocky Lavarez)
