TALISAY CITY- Naugdaw ang dul-an sa 60 ka mga panimalay atol nahitabong sunog sa Barangay Cansojong, dakbayan sa Talisay niadtong Biyernes, Nobyembre 29, 2024.
Ang maong sunog nakapaulbo sa mga kabutangan nga mubalor og
Sa pakighinabi sa Bombo Newsteam kang FO2 Mardee Auxtero ang fire imbestigador sa maong insidente, gitino niini nga anaa sa P337,500 ang danyos sa nahitabo nga sunog.
Dugang pa, nga ang sunog gikatahong nga nagsugod sa balay usa ka Cresencia Portiz, kinsang wala sa maong nahisgotang balay sa oras nga miulbo ang mao nga sunog.
Nasayran nga nagsugod ang sunog pasado alas 10:34 sa buntag.
Wala pay lima ka minuto, giisa sa first alarm ang sunog og niabot pa kini sa ikaduhang alarma alas 10:42 sa buntag.
Wala magdugay nakontrolar sa kabomberohan ang kalayo alas 11:11 sa buntag og hingpit nga gideklarar nga fireout alas 11:29 sa samang kabuntagon.
Sa pagkakaron, walay naitala nga naangol o namatay sa nahisgotang sunog og padayun pa imbestigasyon aron masuta nag hinungdan sa insidente.
