Gipahibalo sa Land Transportation Franchising and Regulatory Board (LTFRB) nga mo-isyu sila og special application permits alang sa tanang public utility vehicles (PUVs) sa tibuok bahin sa nasud.
Gihimo sa LTFRB ang pamahayag subay sa ilang mandato nga ipabilin nga andam ug luwas ang tanang pampublikong transportasyon alang sa mga Filipino riders.
Matod sa liderato sa LTFRB, nga si Chairperson Atty. Teofilo Guadiz III, sugdan na nila ang paghatag og mga aplikasyon alang sa Transport Network Vehicle Services permits karong Disyembre 15.
Diin ang 15,000 ka PUVs makadawat sa maong mga permit nga ipang-apod-apod gikan sa Disyembre 20 hangtod sa Enero 4 sa kasamtangang tuig.
Kalabot niini, ang LTFRB una nang niisyu og special permit alang sa mga public utility bus nga nagsugod niadtong Nobyembre 18 ug nahuman niadtong Nobyembre 29, nga magamit na sa Disyembre 23 hangtod sa sunod tuig, Enero 3.
Ingon man nga puspusan ang pagmonitor sa ahensya sa mga PUV operator aron makapangandam sa pagdaghan sa mga pasahero atol sa holiday season.
