Gitubag sa Manila-based Chinese Embassy ang akusasyon ni US Ambassador to the Philippines MaryKay Carlson nga ilegal nga migamit og water cannon ang China sa pag-atake niini sa barko sa Pilipinas duol sa Bajo de Masinloc niadtong Disyembre 4.
Giakusahan sa Embahada si Carlson nga wala kini gibasi sa sukaranang mga kamatuoran ug naghimog walay basehanan nga mga akusasyon batok sa mga lehitimong lakang sa China aron mapanalipdan ang teritoryo niini nga soberanya ug interes sa maritime.
Sa usa ka pamahayag, ang Chinese Embassy niingon nga walay katungod ang Amerika ug ang mga kaalyado niini nga manghilabot sa mga panagsungi sa gilalisan nga kadagatan tali sa Pilipinas ug China.
Kalabot niini, giawhag sa Embahada ang nasangpit nga mga nasud nga respetuhon ang territorial sovereignty, maritime rights ug interes sa China sa gikaaway nga kadagatan, hunongon na ang pagsabwag ug kagubot ug pagpakusog niini ug hunongon na ang pagsamok alang sa kalinaw ug kalig-on sa gilalisan nga kadagatan.
Samtang, human sa insidente sa Bajo de Masinloc, ang Pilipinas misang-at og bag-ong diplomatic protest batok sa China pinaagi sa note verbale.
Gikatakda usab nga makigtagbo si DFA Secretary Enrique Manalo sa Chinese Ambassador to the PH Huang Xilian aron hisgutan ang pinakaulahing insidente sa West Philippine Sea.
