NAGA CITY, CEBU-Pormal nang gisugdan ang Pasko sa Dakbayan sa Naga pinaagi sa pag-pasiga sa ilahang Christmas Tree kagabii sa adlaw nga Dominggo, Disyembre 8, 2024.
Gipasiugdahan ang maong kalihokan nilang Naga City Mayor Val Chiong, Cebu Provincial Governor Gwendolyn Garcia, 1st District Representative Rhea Gullas, ug uban pang opisyales sa lokal nga kagamhanan sa dakbayan sa Naga.
Ang Ceremonial Opening ug Simultaneous Switch-on sa Christmas Lights kay gipahinabo sa Plaza sa naasoy nga dakbayan.
Ang tema sa ilahang Christmas Tree Lighting Event kay “Enchanted” diin gipasundayag ang liboan ka mga maanindot nga suga og maanindot nga talan-awon diin gidagsa kini sa mga lungsuranon ug mga turista.
Sa eksklusibong pakighinabi sa Bombo Newsteam kang Naga City Mayor Chiong diin gibutyag niini ang ilang tema karong tuiga kay mimugna sa ilang mga local artist.
Mensahe sab sa opisyal ag mas malipayon, mahigugmaon ug luwas nga kapaskuhan para sa iyang mga lungsuranon.
