Gisaysay ni House Speaker Martin Romualdez nga maayo ang iyang tulog ug sa iyang pagmata kay lagsik ang iyang gibati.
Nunot kini sa mga nikatap nga malisyosong balita sa internet nga na-stroke ang opisyal ug anaa kini sa tambalanan.
Gani, dali kining gihimakak sa opisina ni Speaker Romualdez ug miingon nga dili tinuod ug gituyo lamang ang maong sayup nga impormasyon aron makamugna og kalibog sa publiko.
Diin aktibo usab kini nga mitambong sa mga pipila ka kalihokan sama sa pagtambong sa pagpirma ni Presidente Ferdinand R. Marcos, Jr. sa duha ka balaod sa Malacañang.
Miapil usab kini sa Year-End Celebration ug Thanksgiving sa Liga ng mga Probinsya sa Pilipinas, kauban si PBBM, mga gobernador, ug mga senador.
Ug aron tuldukan ang mga hungihong kay miluwat og pamahayag si Romualdez nga anaa siya sa maayong panglawas, gani gisaysay niini nga mayo ang iyang pagkatulog ug mimata kini nga walay gibati nga bati sa iyang lawas.
