SOUTH KOREA- Napakyas sa pagsulod ang mga kapulisan sa South Korea ang presidential office ni Yoon Suk Yeol.
Kini may kalambigitan pa gihapon sa iyang pagpatuman sa martial law sa miaging semana nga gibakwi ra dayon.
Nakasulod lang ang kapulisan sa civil service office apan napakyas sila sa pagsulod sa main building ni Yoon tungod kay gibabagan kini sa mga security guard.
Nagpabilin lang si Yoon sa iyang opisina pagkahuman sa boto sa impeachment samtang nagpadayon ang mga panawagan nga mokanaog kini sa iyang katungdanan.
Sa pagkakaron, gidili na si Pres. Yoon nga makagawas sa SoKor isip kabahin sa insurrection probe sa iyang inner circle human sa hinanaling pagbakwi o pagsuspenso sa martial law niadtong Disyembre 3.
Gani, una ng nasikop si kanhi defense minister Kim Yong-hyun niadtong Martes tungod sa pagpatuman sa martial law ug gikataho nga si Kim nisuway sa pagkutlo sa iyang kinabuhi sa detention center human kini madakpi gamit ang iyang underwear.
