GETAFE, BOHOL-Naglutawlutaw nalang ug wala na’y kinabuhi ang napalgan nga higanteng balyena sa lungsod sa Banakon Island sa Getafe Bohol.
Diin gawas sa iyang gidak-on kay nakapakuha sa atensyon sa mga tawo sa maong dapit mao ang tubig nga nahimo na og color puwa tungod sa dugo gikan sa balyena.
Ang maong balyena usa ka matang sa sperm whale diin adunay gibanabanang gibug-aton nga 41,000 ka kilo o upat ka tonelada.
Samtang, ang gitas-on sa lawas niini muabot sa 52 feet ug ang ulo niini kay katuluon ang iyang lawas niini.
Sa panukiduki, ang usa ka sperm whale mahimong mulangoy sa ilalom sa kadagatan ngadtu sa 3,048 ka metros gikan sa sea level og giingong usa sa pinakalawom nga mulangoy nga toothed whale mammal og pinakadako sa tanang balyena sa kadagatan.
Nagpadala na og mga sakop sa Bureau of Fishiries and
Aquatic Resources o kon BFAR 7 aron sa kalambuan ug pagsusi sa
dakong sperm whale.
Samtang, sa pakighinabi sa Bombo Radyo Cebu kang Municipal Mayor Getafe Bohol Cayeh Monillas Camacho diin gitambagan sila sa Bohol Provincial Museum nga ilubong na ang maong mananap apan, nakatawag sila og tawag gikan sa Manila aron sa pagkuha og data analysis ug matumbok ang hinungdan sa kamatayon niini.
Sa pagkakaron nagpaabot nalang sila sa sunod nga mando.
