Nanawagan si Pres. Ferdinand Marcos Jr., sa Armed Forces of the Philippines nga magpabiling lig-on sa pagmintinar sa core values.
Mao kini ang pagpahinumdom sa Presidente ngadto sa mga AFP nga ipataas ang dungog taliwala sa kalisdanan.
Gidayeg usab sa Presidente ang Armadong Kusog sa kontribusyon niini isip tigpanalipod sa nasud ug sa katawhang Pilipino.
Ingon man nga nagpabiling lig-on ang AFP sa ilang misyon nga mapanalipdan ang soberanya sa nasud, mamentinar ang kalinaw, suportahan ang pangandoy sa nasud alang sa usa ka Bag-ong Pilipinas nga progresibo, luwas ug usa ka nasud nga inklusibo.
Kauban sa katawhang Pilipino, ang AFP magpadayon sa pagtuman sa iyang mandato nga panalipdan ang nasud ug makatampo sa kalamboan niini.
Misaad usab ang mga Armadong Kusog nga ilang hatagan og prayoridad ang transparency, promosyon sa Kalinaw, professionalism ug service excellence.
Pagpasalig sa pamunoan sa AFP nga andam silang modangop sa nag-usab-usab nga kahimtang sa seguridad samtang padayong nagsilbi nga kasaligang kauban sa gobyerno sa pagpasiugda sa kalinaw, seguridad ug kauswagan.
