CEBU CITY-Gipadayag ni Cebu Archbishop Jose S. Palma ang kamahinungdanon sa pagsaulog ning Pasko diin ang pagkahimugso sa atong Ginoong Hesu Kristo.
Diin nag-awhag sa matag-usa kanato sa pagduaw pagbalik sa maanindot nga talan-awon sa bilin nga ang bag-ong gi-anak nga manluluwas kinsang giputos og panapton ug gipahiluna sa pasungan uban ang iyang inahang ulay nga si Maria ug ang iyang ama-ama nga si San Jose.
Dugang pa ni Archbishop Palma nga ang maong eksena kay nagpahinumdom kanato kung unsa ka yano ang pag-abot sa Diyos nga manunubos.
Gi-awhag usab kita isip mga pilgrims of hope nga masusama sa mga magbalantay sa mga karnero sa kanunay nga maigmat tungod kay mao lang kini ang pamaagi nga madawat ug masabtan ang balita sa dakong kalipay sa pagkataw ni Hesu Kristo.
Gidugang usab sa Arsobispo nga gihagit kitang tanan sa manluluwas sa pagsabwag ngadto sa uban sa pagkakaplag niini aron masinati usab nila ang kalipay nga ilang nadawat.
