Niboluntaryo si kanhi Presidente Rodrigo Duterte nga mahimong abogado sa legal nga problema sa iyang anak nga si Vice Presidente Sara Duterte.
Mao kini ang gipaambit ni Bise Presidente Sara Duterte nga ang iyang amahan kay andam nga mahimong abogado niini sa iyang mga giatubang karon sama sa impeachment complaints batok kaniya.
Diin sa pagkakaron kay tulo na ka impeachment complaints ang gisang-at sa miaging semana nga gipangulohan sa pipika ka mga Katolikong pari, relihiyosong grupo, ug mga abogado.
Atol sa ilang Christmas Eve dinner, ang bise presidente niingon nga ang iyang amahan nipadayag og kabalaka ug nangutana bahin sa kahimtang sa iyang mga problema sa impeachment.
Dugang sa bise presidenti nga ang iyang amahan ang mipaabot sa iyang legal nga tabang human siya mibalibad sa iyang tanyag nga pinansyal nga suporta.
Ingon man nga nagpaabot nalang sila sa formal articles sa impeachment gikan sa House of Representatives.
Hinuon masaligon ug gibarugan ni VP Sara nga wala siya’y nalapas sa balaod.
