CENTRAL VISAYAS- Opisyal nang giablihan sa Police Regional Office – Central Visayas (PRO 7) ug Commission on Elections (Comelec) ang Regional Election Monitoring Action Center (REMAC) kagahapong adlawa sa Huwebes, Enero 9, 2025.
Ang maong kalihukan kay gipahinabo sa mga kapulisan, kasundalohan, ug sa Comelec aron sa ilang intensified nga pagpangandam aron sa pagsiguro sa striktong lagda sa seguridad sa linaw ug hapsay nga piniliay sa umaabot Mayo 12, 2025.
Ang pagpangulo sa REMAC kay ubos sa awtoridad ni Regional Election Director Francisco Pobe ug ni PRO-7 Officer-in-Charge Police Brigadier General Dionisio Bartolome.
Matud ni Pobe nga ang Regional Joint Security Control Center Command Conference maoy magdeterminar sa sitwasyon sa seguridad sa matag probinsiya sa tibuok Central Visayas.
Diib ang Central Visayas naglakip na lang sa Bohol ug sa tibuok isla sa Sugbo, kay ang Negros Oriental ug Siquijor kay sakop na sa Negros Island Region.
Opisyal nga magsugod ang election period sa Domingo, Enero 12, 2025.
