Nilusad og dugang pagpalapad ang Philippine Health Insurance Corporation o PhilHealth kalabot sa health benefit packages nga mahimong ma-avail sa mga miyembro niini sugod karong tuiga.
Matod sa presidente ug Chief Executive Officer sa PhilHealth nga si Emmanuel Ledesma Jr., ang gikinahanglang mga instrumento sa polisiya o circulars nahimo na ug na-published na alang niining mga bag-ong benepisyo nga mao ang ischemic heart disease-acute myocardial infarction, Z Package for peritoneal dialysis, Z Package for kidney transplantation, preventive oral health services, outpatient emergency care benefit, ug 50-percent adjustment in case rates packages.
Diin ang tumong niini kay ang pagpagaan sa pinansyal nga kapit-os sa Pilipino nga pasyente ug pagsiguro sa tukma sa panahon nga pag-access sa mga serbisyo nga makaluwas sa kinabuhi gikan sa pagpaospital, diagnostic nga mga pagsuway ug mga pamaagi sama sa angioplasty, stenting, ug medication.
Gilangkoban ang ischemic heart disease-acute myocardial infarction sa upat ka lain-laing mga pakete: ang percutaneous coronary intervention (PCI) o coronary angioplasty nga pagtaas gikan sa P30,000 ngadto sa P524,000; pagtaas sa fibrinolysis gikan sa P30,290 ngadto sa P133,500; emergency medical services nga adunay coordinated referral ug interfacility transfer nga P21,900; ug cardiac rehabilitation human sa PCI nga P66,140.
Ingon man nga dasigon ang paggamit sa peritonial dialysis (PD) isip usa ka first line modality treatment alang sa end stage renal disease aron usab mapauswag ang kalidad sa kinabuhi ug paglihok sa mga pasyente.
Sa kasamtangan, ang benepisyo sa pag-atiman sa emerhensya sa outpatient kay motabon sa gasto sa dinalian nga pag-atiman nga wala magkinahanglan og pagpaospital sa labing menos 24 ka oras.
Gipasalig ni Ledesma sa mga miyembro nga ang bag-o ug gipalapdan nga mga benefit packages dili moresulta sa pagtaas sa premium karong tuiga o sa umaabot nga mga tuig.
