Nipasidaan si kanhi Presidente Rodrigo Roa Duterte nga kon dili maklaro sa administrasyon ang mga deliberasyon sa proposed budget alang sa tuig 2025, hinungdan nga gipahimangnoan niini ang katawhan nga dili mobayad og buhis.
Matod sa kanhi presidente nga kung dili makahatag og katin-awan, mausik ang kuwarta sa publiko ilabi na kon wala sila masayod asa paingon ang ilang kuwarta.
Dugang pa niini nga dili usab husto nga biyaan nga blangko ang pipila ka bahin sa proposed budget tungod kay daw wala kini nasubay sa balaod sa nasud, ilabi na kon budget kini nga giaprobahan sa labing taas nga opisyal sa Pilipinas.
Mahimo usab nga mosangpot kini sa mga iregularidad, ilabi na kung ang mga anaa sa katungdanan makapili sa kantidad nga gusto nilang idugang isip reserba.
Una niini, kinsa man ang nagpaluyo nga mga anomaliya kay posibleng mag-atubang og daghang legal nga sangputanan, lakip ang pagkapriso.
Dili usab makalingkawas ang maong tawo sa legal nga proseso ug hurisdiksyon sa korte tungod kay komplikado ang mga papeles sulod sa nasud.
Ingon man nga dili kini angay buhaton sa mga opisyal, ilabi na kadtong nagplano nga mogahin og reserba alang sa gisugyot nga pundo.
