COMPOSTELA, CEBU- Makadawat sa kapin P5.54-milyones ang kagamhanang lungsod sa Compostela nga gikan sa kagamhanang lalawigan sa Sugbo.
Kini ang gisaad ni Cebu Provincial Governor Gwendolyn Garcia atol sa pagtambong niini sa kapistahan sa lungsod niadtong nakalabayng Biyernes, Enero 17.
Ang maong tabang-pinansyal kay gitagana alang sa socio-cultural initiatives sa kagamhanang lungsod diin ang unom ka contigents nga niapil sa grand ritual showdown sa maong kalihokan kay makadawat og tag P200,000 isip subsidiya sa ilang mga nagasto.
Dugang pa, nga ang kagamhanang lungsod usab kay makadawat og P4-milyones para sa ilang socio-cultural programs.
Samtang, ang top-three nga nakadaog nga mga contingent nakadawat usab og special awards gikan sa personal nga pondo sa Kapitolyo.
Kung diin, ang champion mao ang Pundok sa Nagkahiusang Pamilyang Poblacion, kay makadawat og P60,000; ang Mahudyakang Kabatan-onang Mananayaw sa Kabukiran nga maoy second place kay nakadawat og P40,000 samtang ang Pundok Mananayaw sa Sakdapantamu adunay P35,000.
Ang tulo ka contingents nga wala kadaog adunay tag P15,000 samtang, ang nakadaog sab nga best in costume ug street dancing sa maong festival mao ang Pundok sa Nagkahiusang Pamilyang Poblacion; ang Best Intro Video ang Kulturang Cogodiangan.
Gihulip ang Kumbira Festival sa Queseo Festival sa lungsod diin maoy gi-feature sa ika-106 nga founding anniversary celebration sa lungsod.
