Veteran actress Gloria Romero, mitaliwan na sa edad nga 91-anyos

Mitaliwan na ang beteranong aktres nga si Gloria Romero o Gloria Anne Borrego Galla sa tinuod nga kinabuhi.

Namatay kini sa edad nga 91-anyos.

Natawo kini niadtong Disyembre 16, 1933 sa Denver, Colorado, USA.

Ug nagsugod kini sa iyang karera isip aktor sa edad nga 16 ug pipila sa mga salida nga iyang gibidahan mao ang mosunod.

“Alaaalang Banal” (1958), “Ikaw Ang Aking Buhay” (1959), “Iginuhit ng Tadhana” (1965) ug uban pa.

Mibuhagay dayon ang pahasubo sa iyang mga katrabaho ug bisan sa ubang iladong personalidad.

Wala pa’y gipagawas nga impormasyon ang iyang pamilya bahin sa haya ug lubong.