Narekober na ang kapin sa 40 ka mga lawas gikan sa nag-ice nga Potomac River diin nahulog ang mga wreckage gikan sa pagkahagsa sa eroplano sa US.
Samtang, labing menos 14 ka tawo ang nagpabiling missing.
Dakong hagit karon nga gi-atubang sa mga divers ang intense mud o lapok ug zero visibility nga mipahinay sa ilang operation, ingon man ang hulga sa kontaminasyon gikan sa gasolina ug mga debris gikan sa nahagsa nga passenger plane ug military helicopter.
Gawas sa mga lawas kay narekober usab ang mga black box gikan sa 2 ka aircraft ug ang pasiunang report gipaabot nga mapagawas sulod sa 30 ka adlaw.
Una nang gikompirmar ni US President Donald Trump nga walay naluwas sa trahedya nga pagkahagsa sa eroplano nga mipatay sa kinatibuk-ang 67 ka mga tawo.
Lakip sa giila nga namatay sa pagkahagsa sa eroplano mao ang groom-to-be pilot, anak sa usa ka Indian immigrant, 4 ka miyembro sa steamfitter union, US figure skating champions ug usa ka Filipino Police Colonel.
