MANDAUE CITY-Nagsubo karon ang kampo ni Dismissed Mandaue City Mayor Jonas Cortes human wala mapaboran ang motion for reconsideration niini sa kasong giatubang sa buhatan sa Ombudsman.
Matod pa sa kanhi Mayor nga wala na kini magdahum tungod kay pagpangharas kini sa iyang karera sa politika nga makabalda sa iyang pangandoy nga magserbisyo isip Mayor pagbalik sa dakbayan sa Mandaue.
Gikabutyag kini nga mga pamulong ni Cortes ug sa mga kauban niini atol sa press conference nga gipahigayon kagahapong adlawa sa Lunes, Pebrero 3, 2025.
Dugang ni Cortes ang ang iyang mga abogado kay gihatagan lamang og tulo (3) ka adlaw sa pagtubag sa alegasyon gross misconduct atol sa clarificatory hearing niadtong Biyernes, Enero 31 sa kasong pagtugod sa Suprea PH Development Corp. nga maka-operate nga walay saktong rekisitos.
Sa pamulong pa nga nanghangyo iyang mga abogado nga unta mulangtod sa 10 ka adlaw nga igahin nga panahon nga maoy naandang katas-on sa panahon aron mutubag sa legal nga proseso apan gisalikway daw kini sa Ombudsman.
Mahitungod niini kay nagnhinaot nalang ang kampo ni Cortes sa Korte Suprema sa paghukom niini kung makapadayon pa ba iyang kandidatura.
