Giandam na karon ni Davao 1st district Representative Pantaleon Alvarez ang kasong kriminal batok kang House Speaker Martin Romualdez, Ako Bicol Rep. Elizalde Co. ug Zamboanga Rep. Mannix Delipe bahin sa gikuwestiyon nga Bicameral Conference Committee Report bahin sa 2025 General Appropriations Act.
Kaabag ni Alvarez sa pagpasaka sa reklamo mao si Atty. Ferdinand Topacio, Citizens Crime Watch (CCW) president Diego Magpantay ug uban pa.
Giinsister sa kanhi House speaker nga adunay gitago nga pundo sa national budget nga wala maapil sa giaprobahan sa bicameral conference committee.
Posible nga mapasaka ang kaso sa labing daling panahon.
Apan, pipila ka mga opisyal sa Kamara ang una nga nanalipod sa mga pagbag-o sa balaudnon sa budget.
Ang House Appropriations committee acting head ug Marikina Rep. Stella Luz Quimbo, gisunod ang due process sa bicam, sukwahi sa mga pagsaway sa pipila ka mga kritiko.
Gitataw usab ni Quimbo nga wala’y mga blangko sa na-enroll nga balaudnon, bisan kung personal nga gitan-aw kini sa mga kritiko.
