Gipangunahan sa Philippine Coast Guard ang evacuation ug rescue operations sa pipila ka mga lugar sa Palawan tungod sa kaylap nga pagbaha tungod sa shear line.
Diin mipakatap ang Coast Guard District Palawan sa Deployable Response Group (DRG), lakip ang mga team gikan sa CG Station Central Palawan ug Special Operations Group (SOG) aron suportahan ang lokal nga kagamhanan ug uban pang rescue teams, inubanan sa dakong paningkamot sa pagbakwit sa mga residente.
Gidala dayon sa evacuation centers ang mga residente nga ilang narescue ug ang pipila sa mga bakwit mipili usab nga temporaryong mopuyo sa ilang mga kabanay ug mga kaila.
Sa pagkakaron, nagpadayon pa ang pagbakwit sa nabahaan nga mga residente gikan sa Puerto Princesa ug ubang lugar sa Palawan.
Basi sa report sa PCG, daghang mga panimalay ang nabahaan, diin ang uban niabot sa hawak.
