Gi-admit sa usa ka ospital sa Roma kaniadtong Biyernes, Pebrero 14 si Pope Francis alang sa mga test ug treatment alang sa sakit nga bronchitis matod pa sa pahibalo sa Vatican.
Ang 88-anyos ng Santo Papa kay nagkasakit-sakit sa bag-ohay lang diin nagdelegar sa mga opisyal sa pagbasa sa iyang mga pakigpulong sa misa matag buntag sa St Peter’s Basilica.
Na-admit kini sa ospital sa Gemelli sa Roma alang sa pipila ka mga diagnostic test ug aron ipadayon ang pagtambal alang sa nagpadayon nga sakit nga bronchitis.
Ang Santo Papa kay aduna nalang usa ka baga (lungs) niadtong gioperahan kini pag batan-on pa lang ug karon nag-antos na sa kalisud sa pagginhawa sulod sa pipila na ka semana.
Kahinumduman nga si Pope Francis na-admit sa ospital sulod sa tulo ka gabii niadtong Marso 2023 tungod sa bronchitis diin naayo ra kini tungod sa mga antibiotics.
Niadto sang Disyembre 2024 kay kinahanglan niyang kanselahon ang iyang pagbisita sa Dubai aron moapil sa United Nations COP28 climate change conference tungod sa laing pagpa-ayo sa bronchitis.
Ang Argentinong Santo Papa, kay aduna nay pipila ka mga health records sama sa sakit sa katuhuran, bat-ang, inflamed colon, ug naoperahan pa kini sa hernia.
