CEBU-Nadakpan na sa mga sakop sa Criminal Investigation and Detection group Regional Field Unit 7 (CIDG) ang driver sa riding-in tandem nga nipusil-patay sa Kapitan sa Brgy Maguiao lungsud sa Asturias ug asawa niini niadtong tuig 2023.
Giila ang usa ka suspek nga si Robert Ubalde, 26-anyos nga taga Sitio Bohol Barangay Looc Mandaue City.
Nadakpan kini pinaagi sa warrant of arrest nga gipalusot sa CIDG Unit 7.
Kahinumduman nga gipusil-patay ang kapitan nga si Mario Delfin Tundag ug asawa niini nga si Edna Awit Tundag alas 9:00 sa buntag niadtong Marso 14, 2023 sa National Highway, Barangay Población Asturias probinsya sa Sugbo.
Matud ni Police Lieutenant Colonel Regino Maramag, ang intelligence officer sa CIDG 7, nga unang nailhan si Ubalde sa mga nakuha nila nga mga CCTV camera sa dihang gihimo ang krimen ug nakakuha usab og video sa CCTV footage sa gawas sa munisipyo sa Asturias sa wala pa ang insidente diin wala kini maka helmet ug naklaro ang iyang panagway.
Subay sa gihimo nga imbistigasyon sa kapulisan nga ang gidangatan sa kanhi kapitan kay mugna sa personal grudge o personal nga pagdumot.
Kini human sa rebelasyon sa suspek nga adunay tawo nga nagsugo kanila aron ipatumba ang maong Brgy. Kapitan.
Ingon man nga giangkon sa suspek ang maong krimen ug mitug-an usab kung kinsa ang gun man nga iyang nakauban nga aling nakasibat sa crime scene.
Giklaro usab sa suspek nga wala silay planong pusilon ang asawa sa kapitan inay naatlan lang kini nga kuyog niadtong higayona.
