Gikataho sa Department of Health (DOH) nga misaka og 56% ang kaso sa dengue sa Pilipinas.
Basi sa datus sa ahensya, niabot sa 43,732 ka kaso ang natala gikan sa Enero hangtod Pebrero 15 ning tuiga.
Bisan pa sa nakapaalarma nga pagtaas sa ihap sa mga tawo nga nataptan sa sakit, giingon sa ahensya nga ang ratio sa pagkamatay sa kaso ubos pa sa 0.38%, gikan sa 0.42% sa miaging tuig.
Kalabot niini, gipakusgan sa DOH ang mga lakang sa pagsumpo sa dengue ug nakigtambayayong sa mga lokal nga kagamhanan sa pagpugong sa dengue outbreak hilabi na sa mga apektadong rehiyon subay sa panawagan ni Presidente Ferdinand Marcos Jr. para sa gilayon nga aksyon.
Gipaambit sa DOH ang ilang naobserbahan nga mitaas ang kaso sa maong sakit kay ang 3 ka rehiyon sa nasud, nga nagkantidad sa kapin sa katunga sa mga kaso sa tibuok Pilipinas.
Diin mao ang CALABARZON nga adunay 9,113 ka kaso, National Capital Region nga adunay 7,551 ka kaso ug Central Luzon nga adunay 7,362 ka kaso.
Samtang, 17 ka mga lokal nga kagamhanan sa nahisgutang mga rehiyon kay dengue hotspots.
Matod niya nga bisan pa sa kinatibuk-ang pagsaka sa mga kaso, gipakita sa datos sa DOH nga mikunhod og 5% ang mga bag-ong kaso sa miaging 4 ka semana.
Ingon man nga nakatampo niini ang mga kampanya sa pagpataas sa kahibalo sa publiko bahin sa sakit, pagpakusog sa pagpanglimpyo sa kinaiyahan, ug pagwagtang sa mga breeding ground sa mga lamok nga nagdala og dengue.
