United Nation, nagpahayag og kabalaka bahin sa nagkadaghang tawo nga nagkasakit sa Yemen tungod sa panagbangi

Nagpahayag og kabalaka ang United Nations bahin sa mga hagit nga giatubang karon sa mga tawo sa Yemen tungod sa nagpadayon nga panagbangi.

Sumala sa United Nations, kapin sa 112,000 ka mga tawo ang nawad-an sa ilang mga pinuy-anan tungod sa maong panagsangka.

Tungod niini, daghang mga residente ilabi na ang mga bata ang nangasakit ug nag-antos sa mga sakit sama sa dengue, cholera, ug malnutrisyon.

Nag-atubang usab og kakulang sa pondo ang mga ahensya sa UN, ug limitado ang ilang mga suplay sa hinabang alang sa katawhan sa Yemen.

Ang maong sitwasyon naggikan sa mga panagsangka tali sa mga pwersa sa gobyerno sa Yemen ug sa mga rebelde nga Houthi nga misulay sa pag-ilog sa gahom sa gobyerno.