Mipasalig ang Philippine Air Force (PAF) sa ilang kaandam sa pagdeploy og air assets sa West Philippine Sea.
Kini aron dili na masubli ang bag-o lang nga harassment sa China sa Bajo de Masinloc diin ang usa ka Chinese naval helicopter nihimo og delikadong maniobra batok sa usa ka aircraft sa Bureau of Fisheries and Aquatic Resources (BFAR) nga nagpahigayon og maritime domain awareness flight.
Matud ni PAF spokesperson Col. Ma. Consuelo Castillo, kon hangyoon ang deployment sa air assets niini aron suportahan ang ubang operating aircraft, sibilyan man o militar, andam mosuporta ang PAF.
Ingon man nga ang mandato sa PAF nga mohatag og suporta sa mga eroplano nga nameligro apan ang deployment sa mga Air Fore aircraft kay nakadependi gihapon sa guidance gikan sa higher headquarters.
Gipangutana usab si Castillo kon ang fixed wing FA-50PH light jet fighters ug A-29B “Super Tucano” attack aircraft mahimong ma-deploy aron magsilbing escort sa mga civilian maritime patrol planes.
Matod ni Castillo, andam ang PAF nga mopakatap sa ilang fixed-wing nga mga eroplano sa mga teritoryo sa nasod.
