Gipahimangnoan sa Philippine Embassy ang mga Filipino sa Israel nga mag-amping sa pagsakay sa pampublikong transportasyon sama sa mga bus ug tren taliwala sa nagpadayon nga kabalaka sa seguridad sa rehiyon.
Sa usa ka advisory nga gipagawas sa Embassy, gitambagan niini ang mga Filipino sa Israel nga kung mobiyahe sa silingang mga lugar, mahimo silang magbisikleta, mogamit mga electric scooter, o maglakaw sa mga ruta nga adunay gamay nga mga tawo.
Ingon man nga gitambagan sila nga magpalayo sa mga pwersa sa seguridad sa Israel nga gipakatap sa mga sensitibo nga lugar.
Ug kinahanglan nga mosunod sila sa mga abiso gikan sa sraeli security forces ug Home Front Command.
Alang sa tabang, mahimong tawagan sa mga Filipino ang emergency hotline sa Embahada sa Tel Aviv sa +972-54-466-1188.
Ang Embahada nagpagawas sa pahibalo human sa tulo ka mga insidente sa pagbuto nga natala niadtong Huwebes sa gabii sa Bat Yam siyudad sa habagatan sa Tel Aviv, gani aayo na lang kay walay pasahero sa mga bus dihang nahitabo ang pagbuto.
