Masaligon ang Pilipinas nga padayong mohatag og hinabang si U.S. President Donald Trump sa pagpatrolya sa West Philippine Sea (WPS) ug pagpadayon sa pagpalapad sa presensya sa militar sa US taliwala sa nagkagrabeng tensyon sa China.
Matod ni PH to the U.S. Ambassador Jose Romualdez nga nakigkita sa mga opisyal sa US, mga opisyal sa diplomatiko, depensa, ug kongreso.
Gipaabot sa Ambassador nga magpadayon ang suporta sa Estados Unidos sa pagpalig-on sa militar sa Pilipinas, nga maoy nag-una sa pagsumpo sa nagkadako nga impluwensya sa China sa WPS.
Gihisgutan usab ni Romualdez nga gihikay karon ang panagtagbo nila ni US President Trump ug Presidente Ferdinand Marcos Jr. nga mahimong mahitabo kung ang mga schedule sa duha ka mga leader kay magtukma.
Samtang, sa bag-ohay nga mga panaghisgot tali sa mga militar sa depensa sa Pilipinas ug US, ang duha ka habig nagpamatuod pag-usab sa ilang pasalig sa pagpadayon sa lig-on nga relasyon.
Nagpahigayon og meeting si U.S. Secretary of State Marco Rubio ug Foreign Affairs Secretary Enrique Manalo sa Munich Security Conference sa Germany sa miaging buwan, diin wala lamang nila gipamatud-an pag-usab ang pasalig sa US sa alyansa sa US-Philippines, apan gipasiugda usab nila ang ilang interes sa pagpalawom ug pagpauswag sa relasyon sa duha ka nasud.
