Nipahimangno si Department of National Defense (DND) Secretary Gilbert Teodoro nga ang mga kaalyado sa Pilipinas mohimo og tukma nga mga lakang kung gani ang China mosuway sa pagpahamtang og mga restriksyon sa kagawasan sa paglawig sa gilalisan nga kadagatan.
Sa usa ka taho sa kompanya sa US news agency, nga ang hepe sa DND miingon nga ang labing dako nga hulga sa external mao ang agresyon, pagpalapad sa China ug pagsuway sa pagbag-o sa internasyonal nga balaod pinaagi sa paggamit sa kusog o pagbag-o sa kahusay sa kalibutan nga gikontrol niini.
Kini nga pahayag sa kalihim nunot sa mga engkwentro tali sa mga eroplano sa China batok sa mga eroplano sa Pilipinas, Australia ug Amerika sa gikaaway nga kadagatan.
Matod niya, ang maong lakang usa ka seryoso nga paglapas sa internasyonal nga balaod nga nagkinahanglan og tubag sa nasud.
Ang kalihim usab miingon nga ang PH mohimo og kombinasyon sa mga lakang uban sa mga nasud nga sama og hunahuna aron makigbatok sa maong mga maniobra gikan sa China.
Dugang pa nga ang PH kauban ang mga kaalyado niini naghimo og usa ka contingency measure aron atubangon ang susamang mga insidente.
