CEBU CITY-Gilusad sa buhatan sa Commission on Elections (COMELEC) uban sa Cebu City Police Office ang usa ka Unity Walk para sa mga manglansaray nga mga kandidato sa mga lokal nga posisyon sa dakbayan sa Sugbo kagahapong adlawa sa Biyernes, Marso 21, 2025.
Ang maong kalihokan kay nagulohang “Unity Walk, Inter-faith Rally, Candidates Forum, and Peace Covenant Signing for Secure Accurate Free/Fair Elections (SAFE) 2025”.
Nahitabo kini gikan sa Plaza Sugbu (atubangan sa Cebu City Hall) padulong sa Plaza Independencia nga gitamboangan dili lamang sa mga kandidato apan lakip napud ang mga buhatan sa kagamhanan sama sa Department of the Interior and Local Government (DILG), Joint Task Group (JTG), Bureau of Fire Protecton (BFP), Bureau of Jail Management and Penelogy (BJMP), Philippine Coast Guard (PCG), Department of Education (DepEd), ug mga tagasuporta sa mga kandidato.
Nagtinguha ang maong kalihukan sa pagpahimangno sa tanan sa magmalinawon ug hapsay nga piniliay sa dakbayan sa Sugbo nga gitanyag isip usa sa mga adunahan og numero sa botante sa tibuok rehiyon sa Central Visayas.
Nagkanayon si Comelec Central Visayas Regional Election Director Francisco Pobe nga sa umaabot Marso 28 kay nagsugod ang ang campaign period sa mga lokal nga posisyon.
Gihangyo niini ang mga kandidato nga sa kanunay pahimangnoan ilahang kampo sa mga tagasupporta nga likayan ang mga kagubot ug magpahigayon sa mga kalihokan de politika sa masinabtunong pamatasan.
Kini agig og pagrespetar sa proseso sa piniliay nga maoy tinubdan sa demokrasya nga natagamtan sa nasod.
Lain pahimangno sa opisyal sa mga kandidato nga mutuman unta sa mga lagda sa balaod ilabi na sa ilang mga campaign materials nga mahiangay ug nagsubay sa mga guidelines sa eleksyon.
