CEBU CITY- Wala magdahom si Angel Anne Dugaduga Ambayan, sa resulta sa Physicians Licensure Exam, human niini mag rank-6 sa bag-o lang gipagawas nga resulta, kagahapong adlawa, Abril 14, 2025.
Sa pakighinabi sa Bombo Cebu News Team kang Doktora Ambayan, didto nasuta og unsa siya ka mapasalamaton sa maong resulta, diin siya, dako ang salig nga grasya kini gikan sa kahitas-an.
Mapasigarbohon usab siya nga nisubay, nga sukad pa nga anaa siya sa elementarya, usa na kini siya ka academic achiever. Busa, dili lamang kini iyahang kadaogan, kundili, sa iyahang pamilya usab nga nag amuma kaniya.
Dugang niana, sukad sa bata pa siya, kanunay siyang nagdamgo nga mahimong usa ka doktor, nga nagpalandong kung giunsa pagtratar sa iyahang kanhi doktor ang mga pasyente, diin kini nagdasig kaniya nga mahimong usa sa mga tawo nga moserbisyo sa natad sa medisina.
Buot usab niya nga paabot ang iyang kinasingkasing nga pasalamat sa konsiderasyon sa unibersidad ug mga oportunidad nga gihatag sa University of Cebu College of Medicine Foundation Inc.
Gibutyag usab niya ang pipila sa mga nagpaluyong rason nganung nakab-ot niya kining kalampusan karon. Usa niana, mao ang iyahang “study habit” nga mokabat og 8 hangtud sa 12 ka oras sa pagtuon matag-adlaw, inubanan sa pagkamakanunayon ug paglahutay.
Iyahang usab nga napanayam, nga wala siyay sekrito nga gitago luyo sa iyang kalampusan, apan, putli kugi, kaalam, ug pag-ampo sa labaw nga makagagahom.
Sa mao nga resulta, si Doktora Ambayan, mao ang labing una nga doktor sa ilahang kinatibuk-an nga pamilya.
Mao nga sa katapusan, nihatag usab ug kaalam si Doktora, kabahin kini sa sayop nga pagsabot sa pagpangandam alang sa mga exam nga sa pipila ka bulan sa dili pa kini mag-sugod, kundili; ang pagpangandam alang sa board, magsugod na sa labing dali nga panahon sa medical school man o sa bisan unsa ka natad sa pagtuon.
Dugang pa, dili kalikayan nga presyur apan ayaw ibaliwala ang hinungdan kung nganong gisugdan nimo kini nga panaw ug gitugyan ang tanan sa Diyos.
Sa pagkakaron, ingun nin Doktora Ambayan, aduna nay mga pipila ka mga oportunidad nga gi ablihan ka niya. (Bombo Irene Ardiente)
