Gipasiguro ni Presidente Ferdinand Marcos sa mga hingtungdan nga ahensya sa gobyerno nga mahatagan dayon og ayuda ang mga katagilungsod nga apektado sa pagbuto sa Bulusan Volcano.
Matud pa ni Palace Press Officer USec, Claire Castro, miadto dayon si DSWD Secretary Rex Gatchalian sa Sorsogon aron personal nga sutaon ang kahimtang sa mga kababayan.
Ingon man nga ang food packs anaa na karon sa preposition ug aduna na’y mobile kitchen sa Barangay Tughan, Juban, Sorsogon.
Mihimo na usab ang kagamhanang probinsiyal og aerial reconnaissance sa maong dapit aron mahibaw-an ang gilapdon sa pagbuto sa bulkan.
Subay niana, nipasalig ang Department of Social Welfare and Development (DSWD) nga gawas sa family food packs ug mobile kitchens, ang ahensya adunay igong pundo aron matubag ang ubang panginahanglanon.
