Gisugyot sa mga cardinal sa Vatican nga yanong pagkaon lang ang gusto nila sa adlaw sa conclave, panahon sa pagpili og bag-ong Santo Papa.
Sumala sa lokal nga mga restaurateurs sa palibot sa Vatican, ang mga paborito sa mga cardinal mao ang yano nga mga pagkaong Romano sama sa pasta carbonara, saltimbocca o mga veal cutlet nga giputos sa ham, burrata, ug tradisyonal nga mga pagkaon nga adunay amatriciana o gricia sauce.
Sa usa ka restaurant, ang tag-iya miingon nga ang mga cardinal dugay nang mga patron, ug nahimong suod kanila.
Samtang ang uban, ang mga obispo ug mga kardinal mas gusto nga pribado nga panihapon sa luyo sa restawran aron malikayan ang media.
Bisan paman nga adunay pipila ka mga restaurateurs nga mikunhod ang kita sukad sa pagkamatay sa Santo Papa kaniadtong Abril 21, ang pipila ka mga kardinal nagpadayon sa pagbisita sa ilang mga paboritong kan-anan.
Bisan ang mga tindahan sa sorbetes dili luwas gikan sa mga panlasa sa kaparian gumikan ang ilang mga paborito mao ang ‘vaticono’, usa ka crepe nga gihimo nga usa ka cone nga puno sa gelato, ug ang ‘dulce de leche’ nga gipahinungod kang Pope Francis.
Taliwa sa hugot nga pagpangandam alang sa importanteng adlaw sa pagpili sa lider sa Simbahang Katoliko, ang pagkaon sa gitawag nga ‘Prince of the Church’ nagpabilin nga yano.
