Gisaway ni Kalookan Bishop Pablo Virgilio Cardinal David ang usa ka AI-generated nga litrato nga gipaambit ni US President Donald Trump, nga nagpakita kaniya nga nagsul-ob og Papal robe ug naglingkod sa trono isip Santo Papa.
Sa usa ka post sa social media, si David miingon, “NOT FUNNY, SIR” o sa bisaya, ‘dili kataw-anan’ sa lain-laing mga pinulongan, lakip ang Filipino.
Matod niya, ang mosunod nga AI-generated image gi-post ni Trump pipila ka adlaw human siya mitambong sa lubong ni Pope Francis ug samtang nagbangutan ang tibuok kalibotan sa Katoliko.
Ang kontrobersyal nga post nagsunod sa komedya ni Trump nga gusto niya nga mahimong sunod nga Santo Papa, nga nakakuha og mga pagsaway online ug gikan sa mga leader sa Simbahang Katoliko tungod sa giingon nga wala’y pagtahod sa pagpangandam alang sa umaabot nga eleksyon sa sunod nga Santo Papa sa Mayo 7, 2025.
