Gipasigarbo ni Presidente Ferdinand Marcos Jr. ang pagkatangtang sa Pilipinas sa Financial Action Task Force (FATF) Grey List, nga nag-ingon nga kini usa ka pruweba nga malampuson ang kampanya sa nasud batok sa money laundering ug terrorism financing.
Sa recognition ceremony nga gipahigayon sa Malacañang, siya miingon nga kini nagpakita usab sa mga paningkamot sa administrasyon sa pagpalig-on sa kredibilidad sa sistema sa panalapi sa nasud aron makuha ang pagsalig sa kalibutan sa mga institusyon.
Matod sa Presidente, kini adunay positibo nga epekto sa nasud diin nagpasabot nga mas barato ang sistema sa panalapi sa mga transaksyon sa nasud, ug mas mubu ang bayronon nga gipahamtang sa atong mga OFW nga nagpadala ug kuwarta sa ilang mga minahal sa kinabuhi dinhi sa Pilipinas.
Gihatagan og gibug-aton sa Presidente nga kung ang Pilipinas magpabilin sa grey List sa financial action task force, kini mopataas sa red flags alang sa mga investors ug mopailawom sa atong mga negosyo ug pinansyal nga mga institusyon sa pagsusi.
Niadtong Pebrero ning tuiga, gipahibalo sa task force nga wala na sa grey list ang Pilipinas.
