People’s Champ Manny Pacquiao balik-boksing karong Hulyo

Human sa hapit upat ka tuig nga pagretiro, subling makig-away sa ring si boxing superstar Manny Pacquiao.

Sumala sa report nga makigtigi si People’s champ sa Amerkanong si Mario “El Azteca” Barrios alang sa WBC welterweight championship karong Hulyo 19 sa Las Vegas.

Kahinumduman nga katapusang nakigsangka si Pacman sa Cuban boxer nga si Yordenis Ugas kaniadtong Agosto 2021.

Apan napildi kini pinaagi sa unanimous decision alang sa WBA welterweight championship niadtpng Agusto 21, 2021.

Human niini, gianunsyo na ni Pacquiao ang iyang pagretiro aron matutokan ang iyahang karera sa politika.