Giangkon sa Department of Agriculture (DA) nga molanat og duha ngadto sa tulo ka tuig aron hingpit nga mahibalik sa nasud ang lokal nga populasyon sa biuhing baboy.
Sumala sa ahensya, kini tungod usab sa lebel sa pre-African swine fever.
Sa usa ka pamahayag, ang tigpamaba sa DA nga si Assistant Secretary Arnel de Mesa miingon nga aduna na silay nakita nga mga timailhan nga maulian na ang lokal nga industriya sa baboy.
Nagpadayon ang ahensya sa pagpabakuna sa mga baboy ug maayo ang resulta niini.
Ang ahensya nagpaabot usab sa pagtugot sa FDA alang sa clearance sa pagbaligya sa mga bakuna sa ASF sa kamerkadohan.
Base sa datus sa ahensya, sukad sa unang outbreak sa ASF sa nasud niadtong 2019, niubos ang national hog inventory gikan sa 13 million heads ngadto sa 9 million heads.
