Wala pa makapili si Presidente Ferdinand Marcos Jr. og bag-ong hepe sa National Police nga ihulip kang PNP Chief Rommel Francisco Marbil, kansang termino gilugwayan lang tungod sa piniliay.
Matod sa Malacañang sa umaabot nga mga adlaw ipahibalo nila kung may napili na ba si Presidente Marcos.
Gikanayon ni Palace Press Officer USec. Claire Castro nga karong panahona wala pay impormasyon kalabot sa kung kinsa ang itudlo ni Presidente Marcos nga mopuli ni Marbil.
Lakip sa mga prominenteng pangalan isip lig-on nga contenders mao ang 3-star Generals lakip na si LtGen. Jose Melencio Nartatez nga giingong suod nilang Senador Imee Marcos ug CIDG chief MGen. Nicholas Torre III.
Nabantog ang pangalan ni Torre nunot sa mga sensitibong operasyon nga iyang gipangulohan sama sa pagkasikop nila ni Pastor Apollo Quiboloy ug kanhi Presidente Rodrigo Duterte.
