-- ADVERTISEMENT --
Gikatakdang pasakaan og kaso sa Bureau of Immigration ang siyam ka mga langyaw nga nasakmitan og P441-M nga undeclared cash sa Mactan-Cebu International Airport.
Sa usa ka pamahayag, si BI Commissioner Joel Anthony Viado niingon nga mag-atubang sila og kasong kriminal.
Gawas niini, mag-atubang usab sila og kasong kalapasan sa Anti-Money Laundering Law ug immigration proceedings.
Matod sa BI, lakip sa nasikop nga mga langyaw mao ang pito ka Chinese, usa ka Indonesian, ug usa ka Kazakhstani national.
Ingon man ang balaod sa imigrasyon sa nasud hugot nga nagdili sa bisan unsang kalihokan sa mga langyaw nga mahimong makahulga sa seguridad sa nasud.
-- ADVERTISEMENT --
Tungod niini, gi-blacklist sila aron dili na sila makasulod sa nasud.
