Gisugdan na sa gobyerno sa nasud nga Australia sa usa ka dako nga paningkamot sa paglimpyo human sa pagbaha nga mipatay sa lima ka mga tawo ug nakaguba sa kapin sa napulo ka libo nga mga kabtangan.
Matod ni Australian Prime Minister Anthony Albanese, gipasalig sa ilang gobyerno nga makadawat og tukmang hinabang ang tanang apektadong residente.
Ang mga pagsusi sa kadaot nagpadayon sa New South Wales, nga labing naapektuhan sa pagbaha.
Ang kahimtang karon kay hinay-hinay nga miuswag sa pipila ka mga lugar nga naapektuhan sa pagbaha, labi na sa labing daghang populasyon.
Gatusan sa mga residente niini ang nagpabilin sa mga evacuation center.
Ang labing bag-o nga gitaho nga namatay sa pagbaha mao ang usa ka 80-anyos nga lalaki kansang lawas nakit-an sa iyang gibahaan panimalay.
Gipaniguro sa ilang gobyerno nga padayon ang paghatag og hinabang sa tanang naapektuhan sa maong katalagman.
