Gipamatud-an pag-usab sa Pilipinas ang ilang suporta alang sa hingpit nga membership sa Timor-Leste sa Association of Southeast Asian Nations (ASEAN).
Gipahibalo ni incoming Department of Foreign Affairs (DFA) Secretary Theresa Lazaro ang padayon nga suporta sa Pilipinas alang sa membership sa Timor Leste sa ASEAN taliwala sa tigom sa mga lider sa mga nasud alang sa 46th ASEAN Summit sa Kuala Lumpur, Malaysia.
Matod ni Lazaro, ang Pilipinas komitado usab sa East Timor aron makatampo sa pagpatuman sa ASEAN Community Vision 2045.
Sa ASEAN summit karong tuiga, ang Timor-Leste magpabilin nga tigpaniid.
Mipasalig usab ang Pilipinas sa suporta niini alang sa Timor-Leste miabut duha ka bulan human mibuto ang tensyon tali sa duha ka nasud human ang pipila ka mga opisyal sa Pilipinas dayag nga misaway sa Timor-Leste tungod sa pagdumili sa pag-ekstradisyon sa pugante nga si kanhi Negros Oriental 3rd district Rep. Arnolfo Teves Jr.
