Midalit og libreng school supplies sa mga tumutungha sa pampublikong eskwelahan sa elementary ug kindergarten ang kagamhanang dakbayan sa Mandaue sugod niadtong Lunes, Hunyo 9, 2025 sa Mandaue City Central Elementary School.
Ang mga kindergarten pupils kay nakadawat sa mga school supply kits nga adunay sulod nga grey bag, papel, lapis, krayola, gunting, ruler, glue, cue cards, raincoats ug uban pa.
Samtang ang mga elementary students sa Grades 1 hangtod 6 kay nakadawat sab sa maong supplies lakip ang notebooks, ballpens, PE Uniform ug uban pa.
Sumala sa kagadkuan sa maong tunghaan nga nakagahin sa 3,7000 sets sa school supplies base sa ihap sa mga estudyante sa nakalabayng school year.
Sa pikas bahin, gitataw ni Mandaue City Councilor Malcolm Sanchez, kinsa chairman sa Committee on Education sa konseho sa dakbayan diin nakagahin so;a og P80-milyones para sa Special Education Fund para sa pagpamalit og school supplies sa mga estudyante nga naaprobahan sa miaging tuig.
