Gipakusgan pa sa buhatan sa Department of Health (DOH) ug City Health Office (CHO) sa dakbayan sa Dumaguete sa Negros Oriental ang ilang paningkamot batok sa sakit nga Human Immunodeficiency Virus (HIV) ug Acquired Immunodeficiency Syndrome (AIDS) nga kabahin sa ilang programa sa pagpaminos sa ihap sa apektado sa sakit.
Kun diin lakip sa mga bahin sa ilang kampanya mao ang pagpalapad sa libreng HIV testing, pagpatambal sa mga nag-positibo, ug padayon monitoring sa mga sustatined patient.
Sumala sa Dumaguete CHO nga ang ilang buhatan kay nagpadagan na sa ilang kaugalingong HIV testing hub nga nagdalit sa confidential, pre ug post counselling services nga libre para sa publiko.
Sa higayong adunay matala nga nagpositibo sa maong sakit, dali kini silang i-enroll sa libreng antiretroviral therapy (ART) sa pakigtambayayong sa Dumaguete CHO sa internatonal financing ug partnership organization nga Global Fund.
Samtang sa pikas bahin, ang ahensya sa DOH sa island rehiyon sa Negros kay naggamit sa pundo sa pagdalit og mga technical assistance sa mga pasilidad aron makab-ot ang tinguha nga adunay duol nga treatment hubs o primary HIV care clinics sa lugar na miagi sa mga gikinahanglan ng mga requirements ug standards.
Subay sa bag-ong datos, nakatala ang dakbayan sa Dumaguete og 150 ka mga kaso sa HIV gikan niadtong Enero hangtod Hulyo 2024.
Dugang sa CHO nga ang kaso sa HIV, nga maoy hinungdan sa AIDS, nga nagkasaka sa ihap diin ang transmission niini kay taas para sa mga lalaking makighilawas sa kapwa lalaki suldo sa pipila na ka katuigan.
Ang HIV kay primerong mapasa pinaagi sa 4 ka mga bodily fluids sama ta dugo, semilya, vaginal discharge ug gatas sa inahan.
