Nipasalig ang Overseas Workers Welfare Administration sa kaluwasan sa pipila ka mga Filipino government officials nga na-stranded sa Israel nunot sa nahitabong tensyon tali sa Israel ug Iran.
Sumala sa Overseas Workers Welfare Administration, adunay 17 ka mga opisyal nga anaa karon sa luwas na nga dangpanan sa Israel.
Kini gilangkuban sa siyam ka mayor, upat ka bise mayor, duha ka party-list representative ug duha ka regional director.
Nasayran nga nisalmot sila sa usa ka short course sa Israel ug nakatakdang mobalik sa Pilipinas niadtong miaging semana.
Sa usa ka pamahayag, si OWWA Administrator Patricia Caunan miingon nga ang DFA, sa pakigtambayayong sa ubang mga ahensya sa gobyerno, nagpadayon sa paghatag og hinabang sa mga na-stranded nga Filipino official sa nasud.
Ingon man nga nanghinaot ang mga opisyal nga makabalik na sila sa Pilipinas sa umaabot nga mga adlaw.
