“Wala akong bilib,” mao kini ang sakit nga pamahayag ni kanhi presidential spokesperson Salvador Panelo ngadto sa Duterte Youth Partylist, human sa pakighinabi kaniya ug sa iyang suporta sa Commission on Elections (COMELEC) nga kanselahon ang rehistrasyon sa grupo.
Tataw ni Panelo, gigamit lang sa grupo ang pangalan ni kanhi Presidente Rodrigo Duterte ug niingon nga “puno ang record niini sa mga tawo nga dili maayo.”
Gisaway usab ni Panelo ang kontrobersyal nga kasaysayan sa Duterte Youth, ilabina ang mga “questionable nominations,” ug matud pa nga daghan na kinig mga kalapasan sukad pa sa sinugdanan, lakip na ang incompatibility sa mga nominado sa termino sa kabatan-onan.
Pabor usab si Panelo nga tangtangon si Ronald Cardema, kinsa maoy unang nominado sa grupo apan na-disqualify tungod sa katigulangon na kaayo nga mahimong representante sa mga batan-on.
Sa laing bahin, wala masurprisa ang kanhi tigpamaba kabahin sa igong basehanan ang pagtangtang sa maong grupo.
Kahinumduman nga gi-invalidate sa COMELEC ang rehistrasyon sa Duterte Youth Party-list, human masulbad ang kaso niadtong 2019 kalabot sa ilang status isip opisyal nga party-list group. | Bombo Irene Ardiente
