Gipanglantawang magpatuman og gamayng laslas sa presyo sa produktong petrolyo sunod semana karong buwan sa Hulyo ang mga oil companies nga nag-operate sa nasud.
Kini nanukad sa trading sa bag-o lang natapos nga semana sa Hulyo nga gikatakdang ipatuman sa umaabot Martes, Hulyo 8.
Ang price adjustments kay mao ang musunod:
Gasolina: P0.70 – P0.90/L nga decrease
Diesel: P0.10 – P0.30/L nga decrease
Kerosene: P0.60 – P0.80/L nga decrease
Gipunting nga ang ceasefire deal tali sa nasud nga Israel ug Iran ang dakong tampo sa laslas sa presyo sa produktong petrolyo sa kalibutanong patigayon.
Apan ang global oil market kay aduna gihapoy kahadlok human ang Iran mipasar og balaudnon sa pag-suspenso sa pagkooperar sa International Atomic Energy Agency (IAEA).
Apan ang rollback karong umaabot nga semana kay dili gihapon makapanabla sa dakong saka sa presyo niadtong hinapos sa Hunyo human nagbayloay og missile attacks ang Iran ug Israel.
