Padayun pang gipangita ang usa ka 82-anyos nga lalaki, human gikatahong na anod sa baha kagahapong adlawa Hulyo 5, 2025 sa Brgy. Ginabucan, Catmon.
Nailhan ang biktima nga si Diosdado Butaslac, residente sa Sitio Sagay Brgy. Ginabucan bukirang bahin sa Catmon.
Gikataho nga milabang ang maong biktima sa naghaguros nga baha sa sapa pasado alas 6:00 sa gabie.
Matud pa sa mga sakop sa MDRRMO sa Catmon nga permaninte gayud nga mo labang ang biktima sa naasoyng dapit aron sa pagpauli.
Dugang usab niini nga nakit-an sa mga utoridad ang tsinelas niini apan sapagka karon wala pa kini nakaplagan.
Sapagka karon, Ang mga opisyales sa Brgy. Ginabucan, Tabili ug Duyan padayon gihapon sa pagpangita sa maong biktima.
Gihangyu usab ni Glen Villas ang
Head sa Catmon MDRRMO, nga kun ugaling aduna silay makaplagan, daling ireport sa maong opisina. | Bombo Nathaniel Sandoval
