Mikabat na sa 67 ang ihap sa mga nangamatay tungod sa kaylap nga pagbaha sa Texas, lakip ang 21 ka mga bata, samtang ang kusog nga ulan nagpadayon ug ang mga operasyon sa pagpangita alang sa 11 nga nawala nga mga babaye ug ilang counselor nga nawala gikan sa usa ka kampo.
Matud ni Lt. Gov. Dan Patrick nga ilang gipaabot nga mosaka ang ihap sa nangamatay samtang nagpadayon ang search and rescue operations.
Padayon usab ang kusog nga bagyo sa paghapak sa mga bahin sa estado sa US, nga nagpalawom sa baha ug naghimo sa operasyon nga mas lisud.
Ang Lalawigan sa Kerr maoy labing grabeng naigo human sa 38 centimeter nga pag-ulan, hinungdan nga ang Guadalupe River mi-awas na nga miabot sa 29 ka pulgada.
Sa laing bahin, ang Gobernador sa Texas nga si Greg Abbott mihangyo sa usa ka federal disaster declaration aron mapunting ang ilang mga operasyon.
Nasayran usab nga gibasol sa uban ang kanhing pamunoan sa National Oceanic and Atmospheric Administration (NOAA) tungod sa kakulang sa igo ug sayo nga pasidaan, ingon man ang kakuwang sa mga kawani tungod sa pagtibhang sa badyet sa administrasyong Trump.
Samtang, nipadayag na og pahasubo si US President Donald Trump ug miingon nga ang gobyerno motubag sa mga panginahanglan sa mga apektadong residente.
